Кошаркарите на МЗТ Скопје Аеродром донесе уште еден пехар во клупските витрини, откако го освои трофејот во Купот на Македонија. Доминантно, со двоцифрена разлика ги победите сите ривали на турнирот во Куманово, а во финалето го совлада и домаќинот МКК Куманово со 96-70.
Не дозволи МЗТ да има многу неизвесност во финалето. Брзо „набилда“ предност, а таа до крајот на мечот само се зголемуваше.
Мак Смит со 23 поени беше најефикасен во тимот на МЗТ Скопје, Гил додаде 13, а Танасковиќ и Магдевски по 12. Кај МКК Куманово, Митевски, Луковиќ и Ѓуроски постигнаа по 13 поени.
Тоа е 14-ти куп-трофеј за МЗТ Скопје во богатата клупска историја.