Македонската фудбалска репрезентација со пораз ги почна квалификациите за СП 2014, вечерва од Хрватска на Максимир загуби со 1:0.
Јелавиќ само што влезе во игра во првиот допир со топката постигна гол во 69. минута. Модриќ го пронајде Манџукиќ, а играчот на Баерн со глава го проигра Јелавиќ, кој го матира немоќниот Богатинов.
До крајот „коцкестите“, знаеја да ја задржат предноста и да ги прокнижат првите три бода во групата А.
Останува горчлив вкус, бидејќи заслуживме бод, а по трет пат Хрватска не доби само со еден гол разлика. Во вторник гостуваме на Хемпден парк против Шкотска со надеж за поволен резултат.