Марсело, денеска на прес конференција, полна со емоции се прости од Реал Мадрид каде настапуваше последните 15 години. 34-годишен Бразилец едвај ги спојуваше речениците додека зборуваше, не можеше да не заплаче. Тој го напушта Реал како играч со најмногу трофеи (25) во клупската историја.
– وأنِّي جبانٌ فِي فِراقِ أَحِبّتِي
– وإن كُنتُ في غَيْرِ الفِرَاقِ شُجَاعالحظة وداع وبكاء الأسطورة مارسيلو?? pic.twitter.com/aQekJzeHqe
— جِنَان بنت خالد. (@55__jenan) June 13, 2022
„Си ветив дека нема да плачам, но навистина е тешко. Благодарам на сите мои соиграчи и тренери, но најголема благодарност луѓето од обезбедувањето и сите оние луѓе во сенка кои вршат многу валкани работи за нас. сакам да истакнам колку се важни затоа што ние играчите треба само да играме, тие се погрижија за се друго“, рече Марсело со солзи во очите и продолжи.
„Кога заминав од Бразил сакав да играм во Лигата на шампионите. Денеска заминувам како најуспешен играч во историјата на најголемиот клуб во светот. Ќе кажам нешто што никогаш не сум го направил. Посебна благодарност до Раул кој седи овде .Многу ми помогна кога дојдов и кога се роди мојот син. Ти и твоето семејство отсекогаш се грижевте за нас, неизмерно сум ти благодарен. Ова беше прекрасна авантура. Дојдов како момче и си заминувам како човек. Ви благодарам на сите“.
Бразилецот дојде во Реал во 2007 година од Флуминенсе за 6,5 милиони евра. За Реал одигра 545 натпревари, постигна 38 гола и забележа 103 асистенции. Има освоено шест титули во Примера, два Купа на Кралот, пет шпански Суперкупа, пет Лиги на шампиони, четири Светски клупски првенства и три европски Суперкупа.