Менаџерот на Ливерпул, Јирген Клоп беше многу изнервиран од однесувањето на еден навивач на „црвените“.
Имено, при прославата на седмиот гол во победата над Манчестер Јунајтед, еден од домашните навивачи истрча на теренот да го прослави голот со своите миленици.
Тој ја прескокна оградата, истрча до играчот, но во таа прилика очигледно го собори Енди Робертсон, кој остана на тревата со болна гримаса.
Реагираше лекарскиот тим, но и обезбедувањето кое го извади навивачот од теренот.
— OvoOno (@OvoOnoX) March 5, 2023
Тие поминаа покрај Клоп, кој беше многу лут и имаше секакви работи да му каже на младиот навивач на Ливерпул, кој го повреди Робертсон.
Левиот бек на Ливерпул набрзо стана и се чини дека не е тешко повреден.
Инаку, ова е еден од најубедливите порази на „црвените ѓаволи“ во историјата на клубот.