Поранешниот ракометар на Сараево Босна Фахрудин Мелиќ се најде во центарот на вниманието откако се обиде физички да се пресмета со навивачите на трибините.
Актуелниот член на Нексе од Нашице предизвика скандал на натпреварот од Европската лига против шведскиот Савехов откако неговиот тим беше поразен со резултат 34:28.
Овој 39-годишен крилен ракометар, роден во Пријепоље, со публиката во предградието на Гетеборг, има нерасчистени сметки од претходно, откако пред две сезони имаше инцидент во арената Партил.
Искусниот црногорски ракометар по натпреварот бил многу нервозен, а кога слушнал дека навивачката група „Камиказе“ на Савехоф го прозива, налетал на трибината и сакал да се пресмета со нив.
Andra gången på 2 år som han inte klarar av lite hets😴 pic.twitter.com/OwnzYxUnOv
— Oscar Ernelind (@Oscarernelind) March 5, 2024
За среќа, соиграчите го смирија и беше избегнат посериозен инцидент.
Мелиќ настапуваше за репрезентацијата на Црна Гора, иако сакаше да игра за Босна и Херцеговина. Но, тогашните челници на Ракометниот сојуз на БиХ не реагирале навреме, па тој ја прифатил поканата на Црна Гора.
Мелиќ во Босна и Херцеговина играше за Босна, Зрињски и Борац, а интернационалната кариера ја изгради во Горење, ПСЖ, Шамбери, а во Нексе е веќе три сезони.