Првиот носител Стан Вавринка (Швајцарија) се пласира во осминафиналето на АТП турнирот во Мајами, САД, откако ноќеска забележа победа на Алжирецот Малек Жазири со 2-0, по сетови 6:3 и 6:4.
Успешен настап во третото коло имаше и Давид Гофин (Белгија) кој во претпоследниот дуел од ноќешната програма го победи Аргентинецот Диего Шварцман со 2-1 (4:6, 6:3 и 7:5).
Вавринка во следната рунда за противник ќе го има Александер Зверев (Германија), а Гофин ќе игра со Ник Кирјос од Австралија.