Екипите на Вашингтон и на Голден Стејт поведоа со 1-0 во добиени натпревари во полуфиналето од НБА плеј офот против Атланта односно Мемфис.
Во дуелот од „Исток“ Вашингтон славеше победа на теренот на Атланта со 104:98 и со тоа ја продолжи низата од триумфи во плеј офот откако претходно го победи Торонто со 4-0.
Вашингтон во вториот дел одигра подобро во одбраната и тоа беше клучот на победата. Атланта во првото полувреме постигна 63 поени, а во вториот дел 35.
На вториот натпревар одигран синоќа на „Запад“ Голден Стејт го совлада Мемфис со 101:86. Домашниот тим победата ја обезбеди во првите три периоди кои успеа да ги добие (32:25, 29:27 и 22:14) и водеше со 17 поени разлика (83:66).
Вечерва се играат првите полуфинални дуели меѓу: Кливленд – Чикаго (Исток) и Хјустон – ЛА Клиперс (Запад).