Ракометарите на Вардар Про доживеаја пораз од германскиот Магдебург 30:27 на првиот натпревар од 3. коло од Купот на ЕХФ.
Најефикасни на натпреварот беа крилата на Вардар Про Влатко Јовчевски и Добивоје Марковиќ кои постигнаа по 6 голови, кај Магдебург по 5 голови постигнаа Андреас Ројевски, Мориц Шапсмеер и Стиан Тонесен.
Ова беше петти меѓусебен дуел на овие два тима, Магдебург ја постигна четвртата победа (еден натпревар во Скопје заврши нерешено), а сите натпревари досега беа одиграни во Лигата на шампионите.