Македонскиот ракометен шампион Вардар попладнево го игра последниот натпревар од групната фаза од Лигата на шампионите. Во Скопје гостува екипата на Кристијанштад. „Црвено-црните“ со досега освоените 18 бодови го обезбедија првото место во групата што значи дека ќе бидат слободни во осминафиналето и директно ќе играат во четвртфиналето.
За гостите од Шведска еден бод ќе значи и пласман во осминафиналето, додека Вардар со победа ќе му „помогне“ на Загреб да се пласира во нок аут фазата. Почетокот на натпреварот што се игра во СЦ „Јане Сандански“ е во 17:30 часот.
Покрај овој натпревар денеска се играат уште два дуела од групата А од 14.коло: ПСЖ – Кил и Силкеборг – Кадетен Шафхаузен.
На досега одиграните дуели од оваа рунда: Барселона – Висла 36:28, Веспрем – Флензбург 34:28 (А група), Рајн Некар Ловен – ПИК Сегед 24:30, Киелце – Мешков Брест 35:27 и Загреб – Цеље 23:21(Б група).
Табела А група: Барселона 25 бодови, ПСЖ 22, Веспрем 18, Флензбург 15, Кил 12, Висла 8, Силкеборг 6, Кадетен Шафхаузен 2.
Табела Б група: Вардар 18, Киелце 18, ПИК Сегед 17, Рајн Некар Ловен 17, Мешков Брест 14, Загреб 9, Цеље 9, Кристијанштад 8.
Пласман во осминафиналето обезбедија и француските екипи Нант и Монпеље. Тие во бараж дуелите беа подобри од Мотор односно Ла Риоха. Нант – Ла Риоха 68:56 (вкупен резултат) и Монпеље – Мотор 65:63 (вкупен резултат).