Бранителот на шампионскиот трофеј во регионалната ракометна СЕХА лига Вардар Про вечерва оствари победа на гостувањето во Бања Лука против Борац со 28:22.
Со оваа победа „црвено-црните“ значително си ги зголемија шансите за пласман на завршниот „фајнл фор“ турнир.
На вториот денешен натпревар Кроација Осигурање го победи Нексе со 28:18.
Во тек е дуелот Ловќен – Слога.
Вториот македонски претставник во ова натпреварување, екипата на Металург синоќа исто така на гости го победи Извиѓач со 27:19.
Дуелите Металург – Мешков Брест и Татран Прешов – Извиѓач на програмата се на 6 март во среда.
Табела: Металург 33 бодови, Загреб КО 32, Мешков Брест 31, Вардар Про 30, Татран Прешов 23, Ловќен 23, Нексе 22, Извиѓач 9, Борац БЛ 7, Слога 3.