Македонската селекција за кошаркари до 14 години имаше успешен настап на зимскиот камп во Турција, каде „црвено-жолтите“ забележа пет победи во исто толку одиграни контролни натпревари.
Во рамките од проектот „Заедно до 16 години“, а во соработка со македонската и турската кошаркарска федерација, избраниците на Александар Јованчев од Истанбул се враќаат непоразени.
Тие беа подобри од нивните врсници од тимовите на: Аџибаден, Фенербахче, Памукспор, Галатасарај и Анадолу Ефес.
Во Следната фаза Македонската кошаркарска федерација ќе биде организатор на интернационален турнир за кошаркари до 14 години на кој покрај македонската репрезентација ќе учествуваат и селекциите на Бугарија, Романија и Косово.