Еден од четирите тениски гренд слем турнири, Отвореното првенство на САД или УС Опен, ќе се одржи од 31 август до 13 септември, а на трибините во Њујорк нема да бидат пуштени навивачи, потврди денес гувернерот на државата Њујорк, Ендру Куомо.
Тој додаде дека Американската тениска асоцијација ќе стори сé што е можно за да обезбеди заштитни мерки и ќе ги преземе сите неопходни мерки на претпазливост за да се осигура дека играчите и нивниот персонал не се чувствуваат загрозени.
На лице место ќе бидат обезбедени тестови, дополнителна дезинфекција, повеќе простор во соблекувалните и обезбедено засолниште и транспорт.
Сепак, друго прашање е колку од големите sвезди ќе учествуваат. Досега прва што соопшти дека нема да игра во Њујорк е романската шампионка Симона Халеп.