Попладнево во спорската сала „Кале“ во првиот меч од второто коло во квалификациите во Купот на ЕХФ, ракометарите на Вардар про забележаа убедлива победа против чешкиот тим Ловосице славејќи со резултат 36-19 (17-10).
Кај „црвено-црните“ најефикасен беше Никола Маркоски кој постигна седум гола, додека Лука Раковиќ реализира шест.
На голот одличен беше Страхиња Милиќ со 22 одбрани.
Во чешкиот тим најефикасни беа Јиржи Мотл и Павел Чрустовски со по четири гола.
Реванш натпреварот е следниот викенд, на 20-ти октомври.