По 11 дена борба, во тешка состојба и приклучен на респиратор, Рушту Речбер го победи коронавирусот и излезе од болница.
За неговата состојба алармира сопругата Исил која пред пет дена, на социјалните мрежи, откри за болеста на легендарниот турски фудбалски голман.
„Со денови имаше температура. Потоа дојдоа и симптоми какви никогаш немал, почувствувал или видел. Се жалеше на замор, на слабост, на загубен апетит, кожата му стана сива, дишеше брзо и тешко, а кашлицата не престануваше. Не можеше да зборува и имаше неправилен пулс“, напиша Исил на социјалните мрежи.