Македонската ракометна репрезентација доживеа нов пораз на Светското првенство во Полска и Шведска, откако тимот на Кирил Лазаров налета на мотивираната солидна репрезентација на Тунис, која на крајот славеше со 33:27. Во последното коло од Президент купот, утешното натпреварување за пласман, Македониа игра со Мароко, кој денеска минимално го совлада Алжир со 28:27.
Тунис почна фантастично во мечот, стигнувајќи до предност од 5:0, која подоцна македонската репрезентација успеа да ја намали на два гола разлика (14:16). Во второто полувреме, со малку подобра игра, успеавме да ја достигнеме оваа предност и дури да стигнеме до водство од 21:20, но потоа, падна концентрацијата во нашата игра, посебно во одбраната, каде што немавме многу решенија за на крајот да доживемее уште еден пораз.
Филип Кузмановски и Дејан Манасков го завршија мечот со 8 постигнати голови, додека кај Тунис, незапирлив беше Мохамед Дармул со осум гола.
Во главната фаза, Норвешка со 30:17 го декласираше Катар за сигурен пласман во четврт-финалето, додека Хрватска правеше гол-разлика против Белгија, стигнувајќи до 34:26 победа.
СП РАКОМЕТ 2023
ГРУПА 3
Србија – Аргентина 28:22 (12:10)
Катар – Норвешка 17:30 (9:14)
Холандија – Германија 20.30 ч.
ГРУПА 4
Бахреин – Египет 22:26 (9:13)
Хрватска – Белгија 34:26 (21:23)
САД – Данска 20.30 ч.
ПРЕЗИДЕНТ КУП
Алжир – Мароко 27:28 (15:13)
Македонија – Тунис 27:33 (14:16)
Извор: Топспорт