Виктор Троицки поднесе жалба до Спортскиот арбитражен суд за казната од 18 месеци, изречена поради кршење на антидопинг правилата. Одлуката на САС се очекува за 4 месеци.
27-годишниот тенисер беше казнет од Меѓународната тениска федерација во јули, откако не даде крв за време на турнирот од сериите “Мастерс” во Монте Карло во април.
Троицки, носител на Дејвис купот со Србија за 2010 година, беше на 53-тото место на светската АТП листа при изрекувањето на санкцијата.