Трета победа за Металург, во исто толку натпревари, во Ц групата во Лигата на шампиони. Македонскиот првак, како гостин, во третото коло го совлада Силкеборг со 26:23 (11:14).
Ракометарите на Металург, на ова гостување покажаа карактер, победија и покрај лошата игра во нападот од која произлегоа дури 13 загубени топки.
Силкеборг до 42 –та минута имаше, игра и предност од четири гола 14:18, но во следните 15 минути Металург направи целосен пресврт со серијата од 9:3 и мироно го приведе мечот кон самиот крај.
Дарко Станиќ со 21 одбрана го предводеше тимот до третата победа во ЛШ, кај стрелците Мојсоски постигна 7, а Вугринец и Ѓеорѓиевски по 5 гола. Најефикасни во редовите на Силкеборг беа Лауге со 5 и Моргесен со 4 погодоци.
Следниот натпревар во ЛШ, Металург ќе го одигра на 20. октомври, кога во Скопје ќе гостува Санкт Петербург.