ФФМ одлучи тренинг центарот во населбата Ново Лисиче да го носи името на трагично загинатиот Петар Милошевски, поранешниот репрезентативен голман, а подоцна и директор на репрезентацијата.
– Во знак на почит на делото на Петар Милошевски и се што остави за македонскиот фудбал и за нас, одлучивме тренинг центарот на ФФМ во иднина да го носи неговото име, изјави портпаролот на ФФМ Златко Андоновски.
Милошевски животот го загуби на 13 март оваа година во сообраќајна несреќа во близина на Куманово.