Поранешниот репрезентативец на Хрватска, Марио Манџукиќ, е на чекор од враќање во Серија „А“, јавуваат италијанските медиуми.
34-годишниот напаѓач во моментов е член на катарскиот клуб Ал-Духаил, со кој има договор до јуни следната година, но се појавуваат и гласини дека тој би можел да го напушти клубот ова лето.
Турските гиганти Фенербахче и Галатасарај покажаа интерес за неговите услуги, но медиумите пишуваат дека на хоризонтот се појави и тим од Италија.
Хрватскиот напаѓач веќе четири години го носеше дресот на Јувентус и во редовите на „Старата дама“ во Торино, тој запиша 162 настапи и постигна 44 голови, освојувајќи осум трофеи, вклучувајќи четири „скудета“.
Според некои гласини, Манџукиќ наводно е баран од Милан, во чии редови може да се отвори место со заминувањето на Златан Ибрахимовиќ. „Росонерите“ го бараа Манџукиќ уште пред тој да замине за Катар.