Ја освои седмата титула на Вимблдон, 17-тата Грен Слем во неговата кариера и повторно е на првото место на АТП листата по повеќе од две години.
Швајцарецот Роџер Федерер во финалето го победи Енди Мареј со 3:1, во сетови 4:6, 7:5, 6:3, 6:4 и со тоа ја разочара домашната публика која чека Британец да го освои трофејот од 1936-та година.
Со овој триумф Федерер се изедначи со рекордот кој го држеше Пит Сампрас, кој исто така има седум титули на Вимблдон, а наскоро ќе го помине и по бројт на недели на првото место на АТП листата.
Сампрас има една недела повеќе – 286. Федерер е на чело на АТП листата прв пат по 6-ти јуни 2010-та година, а ова му е прв трофеј на Вимблдон по 2009-та година.