Тренерот на Вардар, Веселин Вујовиќ го отстрани репрезентативецот Стојанче Стоилов од екипата поради недисциплина.
„Врз основа на однесувањето одамна требаше да биде казнет. Тренер сум со краток „фитил“, и не трпам да ми одмавнува некој со раката додека му зборувам”, изјави Вујовиќ како за „Спортски журнал”.
Сепак, Стоилов има своја верзија на настаните.
„Вујовиќ помисли дека му враќам нему нешто, бидејќи имав една дискусија со своите соиграчи. Ова го има само во Македонија, само тука може странски тренер да те повика надвор од салата за да се тепате со него. Не можат двајца да се расправаат, а само еден да биде виновен. Имам и јас краток „фитил“, а потоа што”, вели Стоилов.