Македонскиот автомобилист Игор Стефановски – Иџе првата од двете трки во ЕТЦЦ шампионатот што се возат денеска во чешкиот град Мост ја заврши на осмото место откако стартуваше од петтата позиција.
Решавачки за пласманот на нашиот возач беше седмиот круг кога Стефановски од третата позиција се проби на првото место, но притоа го удри Наѓ и доби казна поминување низ боксот што потоа значеше и заостанување од 25 секунди зад победникот.
Првото место во трката го освои Пламен Кралев од Бугарија, а водечкиот во генералниот пласман Петр Фулин заврши на третото место.
Во втората трка Стефановски ќе стартува од првата позиција, но нема веќе шанси за шампионската титула во шампионатот.