Статуата на која е овековечен гестот на Зинедин Зидан, кога со глава го удри Италијанецот Марко Матераци е изложена пред центарот Жорж Помпиду во Париз.
Минувачите и посетителите на музејот, кој се наоѓа во четвртиот арондисман на Париз многу лесно можат да ја забележат скулптурата на Адел Абдесемед, на кој е претставен ударот со глава на Зизу врз Матераци на светското првенство во фудбал во Германија во 2006 година.
Скулптурата наречена „Удар со глава“ е дело на новата ѕвезда на современата уметност, Алжирецот Адел Абдесемед и таа е дел од изложбата која му е посветена во центарот Жорж Помпиду-Бобург од 3 октомври 2012 до 7 јануари 2013 година.
Склулптурата е висока 5 метри и засега не е позната реакцијата на Зинедин Зидан и Марко Матерази.