Српската кошаркарска репрезентација и селекторот Светислав Пешиќ ќе добијат по 25.000 евра за освоен сребрен медал на Светското првенство на Филипините, Јапонија и Индонезија, соопштено е по денешната седница на Владата на Србија. Како што беше најавено, за сребрениот медал освоен во олимписката дисциплина, на сите кошаркари и нивниот тренер Светислав Пешиќ им беа доделени по 25.000 евра во противвредност на динари.
Српските кошаркари загубија во финалето на Светското првенство од Германија со 77:83.
Наградени беа и кошаркари кои го одбранија златото на европското првенство во кошарка три на три во Ерусалим.
Според одлуката на Владата, награда од 20.000 евра ќе добијат играчите Марко Бранковиќ, Немања Бараќ, Стефан Којиќ и Страхиња Стојачиќ, како и нивниот тренер Марко Ждеро.
Кошаркарите по петти пат по ред станаа европски шампиони откако во финалето ја совладаа Литванија со 22:20.