Малку недостасувало за португалскиот фудбалер Кристијано Роналдо да заврши зад решетки. Полицијата во Лас Вегас планирала да го уапси Кристијано Роналдо за наводно силување на Кетрин Мајорџ во хотелска соба во 2009 година.
Кога таа во 2018 година го обвини Роналдо дека сексуално ја нападнал по едно излегување во клуб, полицијата бараше налог за апсење, но обвинителот Кларк Стив го одби тоа.
Обвинителот сметаше дека нема доволно докази, па случајот застаре и беше затворен.
По пишувањата на медиумите, тужителката една вечер во 2009 година со другарките излегла во ист клуб во кој бил и Роналдо.
Тоа излегување завршило во неговото џакузи во луксузниот апартман.
Роналдо потоа наводно на девојката и платил 373.000 долари за да го премолчи целиот однос, но таа девет години подоцна дошла до идеја да го тужи и да бара отштета од 76.000.000 долари.