Репрезентациите на Франција и на Данска ги постигнаа четвртите победи во четирите одиграни натпревари на Светското ракометно првенство кое се одржува во Шпанија и се наоѓаат на првите место во своите групи со максимални 8 бодови.
Во Б групата во Севиља Македонија и Русија го одиграа првиот нерешен резултат 29:29, Катар го победи Чиле со 31:23, а европскиот првак Данскаго совлада Ислчнд со 36:28 и со тоа практично го обезбеди првото место во групата.
Табела Б група: Данска 8 бодови, Русија 5, Македонија 5, Исланд 4, Катар 2, Чиле 0.
Во А групата во Гранољерс во дуелите од 4.коло беа постигнати следниве резултати: Бразил – Тунис 27:22, Германија – Црна Гора 29:21 и Аргентина – Франција 23:35.
Табела А група: Франција 8 бодови, Германија 6, Тунис 4, Бразил 4, Аргентина 2, Црна Гора 0.
Денеска во групите А и Б е слободен ден, а натпревари се играат во групите Ц и Д.
Во Ц групата која се игра во Сарагоса двојките се: Словенија – Белорусија, Саудиска Арабија – Јужна Кореја и Србија – Полска.
Табела: Србија 6, Словенија 6, Полска 4, Белорусија 2, Јужна Кореја 0, Саудиска Арабија 0.
Двојките во групата Д се: Австралија – Алжир, Унгарија – Шпанија и Хрватска – Египет.
Табела: Шпанија 6, Хрватска 6, Унгарија 4, Египет 1, Алжир 1, Австралија 0.