Убедлив триумф со 17 голови разлика забележа Словенија на првиот денешен дуел од Б групата на Светското ракометно првенство во Франција.
Словенците високата победа ја најави уште во првото полувреме кое заврши 22:13, за во вториот дел да постигнат уште 20 гола наспроти 12 на противникот за конечни 42:25.
Во вториот денешен термин, од 17 часот и 45 минути својот премиерен настап на Мундијалот ќе го има Македонија која ќе се сретне со Тунис.
Првото коло во групата Б ќе се комплетира вечер со дербито Шпанија – Исланд (почеток 20:45).
Покрај натпревари од Б групата, денеска во Нант ќе се одиграат и преостанатите два дуела од А групата. Двојките се:
Русија – Јапонија (17:45 часот) и
Полска – Норвешка (20:45 часот).
На првиот меч од оваа група со кој беше отворен Мундијалот, синоќа во Нант, домаќинот Франција го победи Бразил со 31:16.