Македонската ракометна селекција попладнево во Мец го игра решавачкиот дуел од групата за пласман на третото место. Противник е Исланд, кој има бод помалку што значи дека и нерешен резултат и одговара на нашата селекција. Десното крило Гоце Георгиевски од името на соиграчите вети максимална борба и игра на победа.
– Одигравме фантастичен дуел против Шпанија, на крајот тие беа подисциплинирани. Сега треба да мислиме на Исланд. Немаме многу време да се подготвиме треба да се одмориме и да победиме. На секој дуел даваме максимум, во името на сите играчи одиме на победа, изјави десното крило Гоце Георгиевски.
Во македонската репрезентација на денешниот дуел ќе има и една промена во составот. На местото на Мартин Поповски ќе биде Жарко Пешевски.
Дуелот Македонија – Исланд почнува во 17 часот и 45 минути.