Тренерот на Реал Мадрид, Сантијаго Солари, не одговори конкретно на неколку прашања во врска со ситуацијата со Иско.
Андалузискиот играч од средниот ред не започнал како стартер од доаѓањето на Аргентинецот на „Сантијаго Бернабеу“.
– Јас не одговорам на сите шпекулации. Имаме 24 професионалци. Јас го правам она што мислам дека е најдобро за клубот. Сите ние сме важни, сите ние сме Реал Мадрид, изјави тренерот на прес-конференција пред утрешниот меч со Валенсија.
Во однос на мечот од Ла Лига, Солари смета дека Валенсија е многу организиран тим, тактички подготвен и прима малку голови.
– Важно е да се концентрираме на нашата игра. Треба да бидеме агресивни во последната четвртина од теренот, додаде Солари.
Реал Мадрид ги пречекува „лилјаците“ утре во 20,45 часот.