Управата на Карпош Соколи соопшти дека влезот за претстојниот меч против Калев од Естонија во рамки на првото квалификациско коло од Лигата на шампионите на ФИБА ќе биде бесплатен.
– Ги повикаме нашите навивачи, симпатизери, но и сите други спортски вљубеници да дојдат на дуелот со Калев за да им ја дадат неопходната помош на избраниците на тренерот Борче Даскаловски. Наша желба е со здружени сили да дојдеме до драгоцената победа, но и до солидна предност која делумно би ни ја олеснила работат пред реваншот во Талин.
Натпреварот Карпош Соколи – Калев е закажан за 19 септември од 17 часот во СЦ „Борис Трајковски“ во Скопје.