Со натпреварот во Љубљана меѓу словенечките екипи Унион Олимпија и Крка вечерва од 18 часот ќе започне 23.коло во регионалната кошаркарска АБА лига.
Македонскиот претставник МЗТ Скопје Аеродром својот дуел од оваа рунда ќе го има утревечер од 21 во СЦ „Борис Трајковски“ против Задар.
Другите двојки за ова коло се: Црвена Звезда – Цибона, Сплит – Широки, Раднички – Будуќност, Цедевита – Партизан и Игокеа – Шолнок.
Табела: Игокеа 17-5 (победи-порази), Црвена Звезда 16-6, Будуќност 14-8, Раднички 14-8, Партизан 13-9, Унион Олимпија 12-10, Цедевита 12-10, МЗТ Скопје Аеродром 11-11, Крка 9-13, Цибона 8-14, Широки 7-15, Задар 7-15, Сплит 7-15 и Шолнок 7-15.