Селекторот на македонската футсал репрезентација Васко Скендеровски и покрај пропуштената шанса за победа на вчерашниот дуел со Унгарија, верува во пласман во баражот, а за такво нешто прво треба да се совлада Швајцарија, па да се оди на поволен резултат со Шпанија.
– Шансите за второто место на квалификацискиот турнир се уште не се загубени. На натпреварот против Швајцарија одиме да оствариме победа која ќе ни даде шанси да се бориме во сабота со Шпанија за поволен резултат или пак минимален пораз кој ќе не води во баражот. Ништо не е загубено, тоа е најважно. Покажавмме дека можеме да се носиме со силни репрезентаци, изјави селекторот Скендеровски.
Македонија вчера одигра нерешено, 3:3 против Унгарија во натпревар од 1.коло од квалификацискиот турнир за пласман на Европското првенство во Србија.
На другиот дуел од првата рунда Шпанија со 9:1 ја совлада Швајцарија.