7-кратниот сетски шампион во Формула 1, Михаел Шумахер ќе остане доживотно неподвижен по несреќата, која што ја доживеа на скијање во Франција на крајот од минатата година, пренесе британскиот „Мирор“, повикувајќи се на мислењето на неврологот Ерик Рајдерер.
-Ќе биде инвалид до крајот на животот и секогаш ќе зависи од помош на друго лице. Позитивна е пораката кога некој ќе се разбуди од кома, во која бил повеќе од половина година. За него тоа е добро, но и за неговото семејство ова е доста важно, рече Рајдерер.
Шумахер кој оваа недела конечно излезе од вештачката кома, во која беше од 29 -ти декември по тешкиот пад на скијање во Франција, повеќе не е во болницата во Гренобл, туку е хоспитализиран во Лозана, во близина на неговиот дом.
Е. Г.