Советот за спорт на шпанската Влада денеска соопшти дека фудбалските клубови на име данок вкупно должат 670 милиони евра.
Претседателот на Советот Мигел Карденал изјави дека таа е помала сума во однос на минатата година, кога долгот изнесуваше околу 750 милиони евра.
– Ова намалување е позитивен податок кој може сите да не радува, истакна Карденал.
Неколку шпански фудбалски клубови поради големите долгови отидоа во стечај, а последниот од нив беше Депортиво од Ла Коруња во јануари.