Шпанија не дозволи изненадување против Полска и стави крај на приказната за ривалот кој се врати на завршница на Светско првенство по отсуство од повеќе од половина век.
Светските шампиони за 2006 година го добија четвртфиналниот судир со 90:78 (22:18, 24:23; 21:17, 23:20) по што се пласираа во полуфиналето, каде ја очекуваат Австралија или сензацијата на турнирот досега – Чешка.
Рики Рубио беше најефикасен кај победниците со 19 поени, 9 аситенции, 5 скока, а Вили Ернангомез му помогна со 18, додека кај Полјаците најмногу се истакна Еј Џеј Слотер со 19 коша, надополнети со 6 асистенции.