Младинската кошаркарска репрезентација на Македонија (играчи до 20 години) во претстојните шест дена ќе одигра четири контролни натпревари, по два со Белгија и Романија.
Овие натпревраи за избраниците на селекторот Мирко Петрески се дел од подготовките за настап во Б дивизијата на Европското првенство кое ќе се одржи од 14 до 23 јули во Орадеа, Романија.
Оваа селекција веќе одигра еден контролен меч пред седум дена кога го солвада составот на Косово со 82-72.
Првиот во низата контролни натпревари кои претстојат, македонските младинци ќе го имаат попладнево од 18 часот против Белгија со која ќе играат и утре во истиот термин во малата сала на СЦ „Јане Сандански“.
Дуелите против Романија се закажани за 4 и 5 јуни (вторник и среда) во истиот термин.
Влезот за сите натпревари е слободен.