Македонскиот репрезентативец Лестер Бо Мекејлеб се повреди на последниот натпревар од Топ 16 фазата во кој неговиот Фенербахче загуби во турската пресметка против Бешикташ со 73:80.
Мекејлеб одлично го почна мечот и за пет минути игра постигна девет поени, но се повреди и мораше да го напушти теренот и не се врати повторно на паркетот. И двете турски екипи не се пласираа во следната фаза бидејќи имаа биланс од 2 победи и 12 порази.
Во четвртфиналето двојките се: ЦСКА Москва – Каха Лаборал, Олимпијакос – Анадолу Ефес, Барселона – Панатинаикос и Реал Мадрид – Макаби. Натпреварите се играат во серија подобар од пет, односно до три победи.