Самир Насри, фудбалер на Севилја, се соочува со четиргодишна суспензија откако Меѓународната анти-допинг агенција (WADA) покрена истрага под сомнение дека тој користел допинг.
WADA побарала истрага за да биде утврдено дали францускиот фудбалер ги прекршил допинг правилата, за време на лекарскиот третман минатиот месец во Лос Анџелес.
Насри се најде на ударот на Шпанската анти-допинг агенција, под сомнение дека во Лос Анџелес користел интравенозна терапија, која WADA ја има забрането, исклучок се терапиите кога спортистот не зема повеќе од 50 милилитри инфузија во рок од шест часа. Наводно Насри добил еден литар „Immunity IV drip“.
Од клубот порачаа дека не знаеле дека Насри се наоѓа во САД на третман.
Насри има право да настапува за Севилја додека трае истрагата, а од WADA порачаа дека случајот ќе има брза разрешница.
Францускиот фудбалер во Севилја пристигна во август 2016 година од Манчестер Сити. Тој во клубот од Андалузија настапува како позајмен фудбалер.
Инаку евентуалната суспензија за Насри ќе му направи големи проблеми на Сити, бидејќи клубот планира да го понуди Насри и пари за да го реализира трансферот на Нзонзи.