Легендарниот италијански тренер Ариго Саки застана во одбрана на сонародникот Карло Анчелоти. Тренерот на Реал Мадрид ги минува веројатно најкритичните денови од вториот мандат во Реал.
Саки, поранешен спортски директор на мадридскиот клуб од декември 2004 до декември 2005 година, инсистира дека Реал Мадрид треба двапати да размисли пред да го отпушти Италијанецот.
„Тажен сум затоа што сите го критикуваат Карло дека испаднал од Лигата на шампионите, а не е тој виновен. Дали овие луѓе знаат кој е Анчелоти и што се освоил? Го сметам за вистински фудбалски мајстор, не само поради трофеите, туку и поради неговиот човечки квалитет. Реал Мадрид треба да размислува не еднаш, туку два или три пати, пред да се ослободи од некој како Карлито“, изјави Саки за „Газета дело Спорт“.
„Да го погледнеме неговиот тим оваа сезона. Тој имаше многу повреди и беше принуден да игра многу натпревари без вистински дефанзивец. Купија напаѓач (Мбапе) за кој се мислеше дека е феномен, но тој тоа не е. Добро ја познавам околината на Реал Мадрид и го познавам Флорентино Перез бидејќи работев како технички директор на Реал Мадрид. Тој е одличен претседател, но премногу се фокусира на напаѓачите. Се сеќавам дека требаше да ги убедам да го доведат Серхио Рамос на три месеци, бидејќи тој не се ни врти назад кон дефанзивците“, рече Саки.