Ракометарките на Чешка и Русија се пласираа во четвртфиналето од Светското ракометно првенство за жени што се игра во Германија.
Чешка до четвртфиналето стигна преку Романија со победата од 28:27, иако на полувремето губеа со 3 гола разлика (17:14). Својот противник тие го чекаат од подобриот помеѓу Јапонија и Холандија.
Неизвесен беше и натпреварот помеѓу Русија и Јужна Кореја, каде што победникот се одлучи по продолженија, откако регуларниот дел заврши 30:30. Во продолженијата славеа Русинките со конечно 36:35.
Тие во четвртфиналето ќе играат против Шпанија или Норвешка.
Потсетување дека вчера беа формирани првите две двојки за четвртфиналето, чии дуели ќе се играат утре – Данска-Шведска (од 17:30 часот) и Франција-Црна Гора (20:45 часот). Победниците од овие мечеви ќе се сретнат во полуфиналето на Мундијалот.