Екипата на Вардар попладнево презентираше две засилувања за новата ракометна сезона.
Двајца репрезентативци на Македонија во новата сезона ќе го носат „црвено-црниот“ дрес на македонскиот ракометен шампион.
Се работи за десното крило, Гоце Георгиевски, кој потпиша договор до 2022 година и левиот бек, Филип Талески, чија соработка ќе трае една година.
Последните три сезони десното крило Георгиевски ги мина во редовите на ЧСМ Букурешт во Романија, додека Талески играше за бундеслигашот Балинген.