Општина Битола ги интензивира реконструктивните зафати на спортската сала „Младост“ во овој град.
Од општина Битола информираат дека со новото решение објектот ќе исполнува повисоки меѓународни стандарди и можност за организација на меѓународни натпревари.
– Со новиот проект скратени се три реда од гледалиштето, се зголемува подлогата за спортски натпревари, а ќе биде поставен и нов паркет. Набавени се 3.600 седишта, ќе има и нов подвижен семафор. Вкупната инвестиција чини околу 15 милиони денари, посочуваат од тамошната локална самоуправа.
Општина Битола во соработка со општината Аминтео од Грција, во рамките на меѓународниот проект „Биофос“, инсталираше посебен котел за загревање во вредност од 135.000 евра.