Ракометарките на Шведска со 26:23 вечерва ја совладаа Данска на Светското првенство кое што се одржува во Германија со што станаа првата репрезентација која што избори пласман во полуфиналето.
Ова е најголем успех на шведските ракометарки досега. Тие имаа предност во текот на целото второ полувреме од натпреварот и заслужено стигнаа до победата. Најефикасни, со по седум голови, на натпреварот беа Хана Бломстранд од Шведска и Мете Транборг од Данска.
Шведска е во иста група со селекцијата на Македонија во квалификациите за Европското првенство.