Македонската машка ракометна репрезентација вечерва во салата „Чаир“ во Ниш во контролен натпревар го победи Египет со 32:28. На полувремето Македонија водеше со 18:12.
Нашите ракометари утре со почеток од 18 часот и 30 минути ќе го одиграат и последниот подготвителен дуел против Србија исто така во Ниш.
По одигрувањето на двата натпревара селекторот Звонко Шундовски ќе треба да ги одреди играчите кои ќе патуваат на Светското првенство кое од 11 до 27 јануари ќе се одржува во Шпанија.
Во недела по враќањето од Ниш македонскките репрезентативци ќе продолжат со тренинзи, а на 11 јануари патуваат со чартер лет за Севиља, каде на 12 јануари ќе ја имаат премиерата на Мундијалот против репрезентацијата на Чиле.