Најтрофејниот македонски кошаркарски клуб Работнички, вечерва од 19 часот во „Градски парк“ во Скопје ќе ја пречека Струмица во натпревар кој ќе одлучи која ќе биде петтата екипа од Првата лига која ќе обезбеди пласман во Суперлигата.
Во истиот термин (19 часот) во Куманово, истоимената домашна екипа го пречекува Пелистер Спорт.
Фени Индустри и Вардар ќе го отворат 13. коло од Првата кошаркарска лига. Натпреварот во Кавадарци започнува во 18 часот. Колото ќе биде комплетирано утре со натпреварот Лирија – Кожув (почеток 18:30).
Табела: Кожув 10-2 (победи-порази), Лирија 9-3, Фени Индустри 9-3, Куманово 7-5, Работнички 5-7, Струмица 5-7, Вардар 2-10 и Пелистер Спорт 1-11.