Најтрофејниот македонски кошаркарски клуб Работнички вечерва во Скопје ја победи Струмица со 99:66 во директен дуел за пласман во Суперлигата.
Со оваа победа тимот од Градски парк им се придружи на Кожув, Лирија, Куманово, Фени Индустри и МЗТ Скопје Аеродром во следната фаза за разигрување за титулата од македонското кошаркарско првенство.
На другите денешни натпревари од 13.коло во Првата лига постигнати се следниве резултати: Куманово – Пелистер Спорт 92:77 и Фени Индустри – Вардар 87:74.
Колото ќе биде комплетирано утре со натпреварот Лирија – Кожув (почеток 18:30).
Табела: Кожув 10-2 (победи-порази), Фени Индустри 10-3, Лирија 9-3, Куманово 8-5, Работнички 6-7, Струмица 5-8, Вардар 2-11 и Пелистер Спорт 1-12.