Сезоната во Формула 1 стигна до својата половина, а на легендарната патека Хунгароринг победата ја однесе актуелниот светски шампион Ландо Норис.
Норис, кој првпат оваа сезона ја освои пол-позицијата, успеа трката да ја заврши токму на местото од кое стартуваше – пред сите свои ривали.
Со тоа, британскиот возач конечно ја забележа и својата прва победа во актуелната сезона, по едно второ место во Мајами и едно трето место во Барселона.
LANDO NORRIS WINS THE HUNGARIAN GRAND PRIX!! 🏁🏆🎉#F1 #HungarianGP pic.twitter.com/tYrJ7ZuI9C
— Formula 1 (@F1) July 26, 2026
Втор низ целта помина Макс Верстапен од Ред Бул, додека третото место му припадна на лидерот во генералниот пласман, Кими Антонели.
Најголем трагичар на трката беше Оскар Пјастри. Австралиецот имаше одличен старт и од третата стартна позиција веднаш се проби на првото место, но 11 круга пред крајот беше принуден да се откаже поради дефект на болидот.
По трката во Унгарија следува летна пауза, а шампионатот ќе продолжи со Големата награда на Холандија, која е закажана за 23 август.