Турнирот на кој ќе земат учество македонските кошаркарски репрезентативни кадети доживеа мала промена откако дел од учесниците го откажаа своето учество. Националните селекции на Кувајт, ОАЕ и на Саудиска Арабија се повлекоа од учествување во овој меѓународен пријателски турнир кој од сабота ќе се одигра во Истанбул, а нивното место ќе го заземе екипата на Истанбул Баскет, информира МКФ.
Покрај Македонија и Истанбул Баскет на турнирот ќе учествуваат и Катар и Грузија.
Македонија првиот дуел на турнирот ќе го има на 22 јули (сабота) против Истанбул Баскет, ден подоцна (недела) ќе игра со Грузија, а в понеделник (24 јули) се среќава со Катар.