Кошаркарите на Филаделфија ноќеска го претрпеа и 16-тиот пораз во НБА лигата и тие се единствената екипа без победа сезонава. Поуспешни од нив беа играчите на Далас, кои славеа со 110:103.
Во редовите на Филаделфија Мајкл Картер Вилијамс постигна „трипл дабл“: 18 поени, 16 асистенции и 10 скокови, но без ефект бидејќи неговиот тим повторно загуби.
На другите натпревари беа постигнати следниве резултати: Вашингтон – Њу Орлеанс 83:80, Атланта – Шарлот 105:75, Кливленд – Индијана 109:97, Јута – ЛА Клиперс 96:112 и Милвоки – Хјустон 103:117.
Вечерва се играат осум натпревари: Бостон – Сан Антонио, Бруклин – Чикаго, Детроит – Голден Стејт, Сан Антонио – Мемфис, Њујорк – Мајами, Феникс – Орландо, Портланд – Минесота и ЛА Лејкерс – Торонто.
Пласман Источна конференција: Торонто 13-3 (победи-порази), Вашингтон 10-5, Чикаго 10-6, Атланта 9-6,…
Пласман Западна конференција: Мемфис 14-2, Голден Стејт 13-2, Хјустон 13-4, Портланд 12-4,…