Вечерва македонската фудбалска репрезентација ќе го одигра вториот контролен натпревар на мини турнејата во Португалија против репрезентацијата на Ангола.
Првиот меѓусебен фудбалски натпревар помеѓу овие две репрезентации на стадионот „Антонио Коимбра” во Есторил почнува во 19 часот.
На последната ранг листа на ФИФА, Ангола се наоѓа на 78.место, а Македонија е на 98.позиција.
И за двете репрезентации натпреварот е дел од подготовките за стартот на квалификациите за Мундијалот во Бразил.